Los fondos FEDER (Fondo Europeo de Desarrollo Regional) son una de les principales fontes de dineru que la Unión Europea reparte a los países y ciudaes pa fomentar el desarrollu económicu, social y territorial.

Van destinaos, sobre todo, a proyectos que:

• Creen emplegu.
• Impulsen la innovación y la sostenibilidá.
• Meyoren barrios, ciudaes o zones rurales.
• Reduzcan desigualdaes ente territorios.

En cristianu: ye dineru d’Europa pa que los conceyos y gobiernos faigan coses útiles — como rehabilitar viviendes, modernizar espacios públicos, potenciar cultura o economía llocal.
Pero claro… hai que presentar un proyectu bien fechu, documentación estricta y en plazu. 

Nel casu de Cimavilla 2030, el Ayuntamientu de Xixón pidió esos fondos FEDER pa rehabilitar el barriu, pero paez ser que:

• La solicitú presentóse l’últimu día.
• Non cumplía del tou los requisitos

Al final Europa dexó a Xixón fuera del repartu y la promesa de los 12 millones de euros coló cola marea.

Agora el consistoriu diz que va presentar alegaciones, pero la sensación xeneral ye que se xestionó con prisia y poca claridá, y que’l barriu volvió quedar fuera d’un plan que-y lleven prometiendo hai años.

Queremos lluz, non discursos. Queremos ver eses puntuaciones, eses feches, esos correos, y saber quién metió la solicitú fora de plazu o ensin revisar.

Queremos que Cimavilla dexe de ser la postal que saca’l turismu y seya, d’una vez, el barriu que merez inversión y respetu.